خاطرة اليوم دا 😉: شكراً من ال❤️ وممتن جداً😍

 

خاطرة اليوم دا : شكراً من ال️ وممتن جداً

شكراً من القلب وممتن جداً للحفاوة والتجاوب الجميل ( لو جاز لي التعبير) لكل من دعم حملة #حول_قروشك_بالبنك وشرفني وشرفتني بصورة من إشعار البنك في (الماسنجر) طوال الفترة من 28 فبراير 2021 ولغاية 21 مارس 2021م
شكراً من القلب وممتن جداً  للإستفسارات اللي كانت بتجيني وهي استفسارات  مليانة إهتمام وهي بتسأل عن تفاصيل مبادرتي دي اللي هي جزء من مبادارات سبقتني ومبادارت جايات عشان تساهم مع المبادرات والمبادرين في دعم الجنيه السوداني بعد قرار تحرير سعر الصرف ( ما تواضع على تسميته بتعويم الجنيه السوداني).
شكراً من القلب وممتن جداً للحفاوة وردود الأفعال اللطيفة من المبادرات والمبادرين وأنا بسلمهم نسخة من مجموعتي القصصية الأولى : #تضاريس_النزوح_الأخير ومن مجموعتي القصصية الثانية : #شاشاية ومن نسخة من كتابي الثالث: #الشارع_بس

البلد دي ما بتخاف عليها طالما فيها ناس زيكم ساهموا في حملة #حول_قروشك_بالبنك أو شجعوا غيرهم يساهموا. وأكييييد بالتعبير الإنجليزي By the end of the day السودان دا #حنبنيهو ويبقى هتافنا في مدرجات الملاعب ( فوق فوق.. سودانا فوق) بإذن الله واقع معاش.. ( ولو بعد حين) ️

محبتي
ودمتم
مزمل 
#MuzamilAlbagir #مزمل_الباقر