خاطرة اليوم دا😉 : كل رمضان و مجزرة8 رمضان و #مجرزه_القياده_العامه جروح مفتوحة .. شارع 💔

خاطرة اليوم دا : كل رمضان و مجزرة8 رمضان و #مجرزه_القياده_العامه جروح مفتوحة ..  شارع 

لينا رمضانين ( رمضان 1441 هجرية ( رمضان 2020 ) ورمضان السنة دي ) بتذكر أحداث 8 رمضان 1440 هجرية ( وثقت ليها في فيديو بروفايل حسابي دا : مشهد الفيديو - الصغير في زمنه وكبير في محتواه -  الفيهو في المسرح الرئيسي بجوار نفق شارع الجمهورية ( جمهورية أعالي النفق ) في الفيديو مشهد علم السودان مليان بدم الشهيد اللي كان متلفح بيهو وهو لسه جريح ولسه بحلم بوطن ( بي الفيهو نتساوى ) زي ما قال شاعر الشعب محجوب شريف  )  وبرضو بنتذكر أكيد مجزرة القيادة العامة في 29 رمضان 1440 هجرية .. بين التاريخين المأساويين ديل كانت في أحداث عظام زي الموكب العظيم الجاي من غرب السودان وزي قطر عطبرة  وزي لما كانت بتتلاقى المواكب من الخرطوم وأمدرمان وبحري في الأمسيات الرمضانية داخل محيط إعتصام القيادة العامة️ والمخاطبات الميدانية والهاتفات الثورية  والجدرايات والغنا الرايق في خيمة تجمع المهندسين السودانيين جمب التدريب المهني   لما ليل رمضان يليّل والدنيا تروق وتهدأ

وزي مشهد إنشاد الإخوان الجمهوريين من داخل اعتصام القيادة العامة .. وفي الخلفية هتافات ( مدنية ) من ثائرات وثوار عارفين إنو ( لابد يوم باكر يبقى أخير )️ زي ما قال الشاعر عماد الدين إبراهيم . 

بالجنبة كدا :

رابط المنشور : 

A part of the Republican Brotherhood's Sufi chanting inside the sit-in of Sudanese

https://www.youtube.com/watch?v=UTShu4c2eiE

القطار العطبراوي قادماً من عطبرة للقيادة

https://www.youtube.com/watch?v=J4ZJVdQzRwM

ساعات بعد أحداث 8 رمضان في #اعتصام_القياده_العامه​

https://www.youtube.com/watch?v=-Z3ge5ysF6Q

محبتي 

ودمتم 

مزمل

#مزمل_الباقر #MuzamilAlbagir #blueforsudan