خاطرة اليوم دا 😉: ( البجيبو ربنا كلو كويس)
خاطرة اليوم دا 
: ( البجيبو ربنا كلو كويس)
: ( البجيبو ربنا كلو كويس) زي اللحظات دي اللي بكتب فيها الكلمات دي بس من السنة الفاتت كنت في قاعد في صالة الوصول بمطار ( الزهرة الجديدة) في الجزء المخصص لمسافري الخطوط الإثيوبية الماشين لجنوب شرق آسيا.. جاي من الخرطوم ( الصورة دي في بينش من بينشات صالة المغادرة بمطار الخرطوم) .. في إنتظار إقلاع الطيارة الإثيوبية من مطار الخرطوم لمطار أديس أبابا ( حوالي خمسة ساعات connection) ومنها لمطار شانغي بطيارة إثيوبية تانية بس بجحم أضخم (جامبو) ومن بعد مطار شانغي، الطيارة الإثيوبية التانية نزلت في مطار كوالالمبور. وأرجع بمطار دبي ومنه للخرطوم بعد 13 ساعة connection .. في رحلة سميتها : #رحلة_المدن_الفاتنة خلال الساعات الطويلة لرحلة الاجواء والمطارات المختلفة بجمالها كان رفيقي، روايتي أستاذنا : البيت الأندلسي.
كنت مخطط ل20 يوم بس وربنا اراد إنها تكون أربعة شهور وأربعة أيام ... كنت مخطط أربعة ليالي في جزيرة بينانج وخمس ليالي في جزيرة لنكاوي Langkawi وباقي العشرين يوم في كوالالمبور.. وربنا كتب لي أشوف معاهم كتيييير واستمتع وزورني مدن تانية زي : مالاكا، بوتراجايا.
لقيت نفسي هناك بتسكع في حارات البلد الجميلة ماليزيا اتأمل في روعة المكان هنا وهناك بين أحياء كوالالمبور ( بوكيت بينتانج، إمبي، بودو...) وشويه اطلع منها لأحياء سلنغور ( Selangor دي طبعاً زي ما بقولو ناس البلد ديك: سلنغور روح ماليزيا) في سلنغور شفت العجب زي معبد: كهوف الصخرة Batu Caves.
سافرت سفر قصير ( أقل من ساعة) بالتلفريك Cable Car في طريق سموهو أهل البلد : طريق السماء عشان اشوف مرتفعات جينتغ Genting Highlands واحتفل فيها مع نفسي 
بمناسبة مرور 22 سنة على نشر أول مقال لي في الصحف ( مقال : هموم في بلد الهموم بصحيفة الرأي الآخر في 26 يونيو 1998م)
بمناسبة مرور 22 سنة على نشر أول مقال لي في الصحف ( مقال : هموم في بلد الهموم بصحيفة الرأي الآخر في 26 يونيو 1998م)وسافرت بالبص لساعات عشان أشوف مرتفعات تانية فيها أجمل كباية شاي شربتها ( خليط لذيذ بتاع كباية شاي بالليمون بعسل النحل) لما السيد مارك يذكرني باليوم الخالد داك بكتب ليكم إسم المشروب دا) مرتفعات ليها قرون بتزرع فيها أشجار الشاي هي مرتفعات كاميرون Cameron Highlands وما أدراك ما مرتفعات كاميرون.. السكة ليها رغم إنها مرهقة بالبر لكن كنت زي حايم في بساط أخدر Green Carpet وما سائل (من السؤال) في البساط الأحمر بتاع هوليود.
ربنا هون لي سفر أطول زمنياً بس أقرب وجدانياً للمدينة التاريخية اللي تابعة للتراث العالمي ( تبع اليونيسكو طواااالي زي غابة السنط في الخرطوم وجزيرة سنقنيب في البحر الأحمر وغيرهم) مدينة مالاكا Melaka وبتتكتب بلغتم كدا عندهم كدا Melacca ( اللغات الرئيسية في ماليزيا : البهاسا مليي، الماندرين (بتكلموها الصينيين الماليزيين)، التاميل (بتكلموها الهنود الماليزيين من قومية التاميل) ومعاها لغات في حتات معينة زي اللغة البتكلموها الماليزيين الساكنين في الأرخبيل الحوالين جزيرة لنكاوي زي جزر الأرز المبتل، العزراء الحامل وغيرها من الجزر اللي ربنا وفقني وشفتها في رحلة بحرية (طبعا بحرية دي مجازاً لأنها متواجد في المحيط الهندي لو ما خانتني الذاكرة).
جزيرة بينانج Penang وتحديداً حي جورج تاون محل شفت أروع جداريات ومجسمات وأنا ساكن أربعة أيام في لكونده ( Red Court Inn) مع جنسيات مختلفة ولذيذة من أمريكا وآسيا وأوروبا زي )
Beniamin Perek
: I remember some awesome moments inside George Town and other places in my ( trip of Charming cites.. Ben)
من بينانج نزلت من المعدية The Ferry وركبت بالبص في كوبري أخد ساعات عشان يرجعني تاني للعاصمة التاريخية كوالالمبور وكملت فيها باقي أيامي الرائعة لأنو رغم تقييد أوامر الحركة Movement Control Orders (MCO) لتقليل إنتشار جائحة كورونا في ماليزيا قدرت اتحرك هنا وهنا أشوف ساحة الإستقلال بسموها Dataran Merdeka محل ارتفع علم إستقلال ماليزيا وكإعلان رسمي إنها بقت خارج منظومة (الإمبراطورية التي لا تغرب عنها الشمس) والمباني التاريخية الحوالينا اللي اتبنت من قرون والشعب والحكومة هناك اتفقوا إنهم يحافظوا عليها كمباني تاريخية تبع التراث الإنساني.
ربنا وفقني في #رحلة_المدن_الفاتنة إني أوثق بالقلم (خواطر، ومشروع رواية لم يكتمل، منشورات في السوشيال ميديا بما فيها مدونتي نقنقة Nagnaga. وبرضو وثقت بالكاميرا ( صور وفيديو ولايف) للأيام العذبة القعدتها في ماليزيا.. إن شاء الله كل ما مارك يذكرني بلحظات بعمل ليها شير معاكم ونتونس فيها سوا... وأكيد ( البجيبو ربنا كلو كويس) زي ما بنقول 
من باب من ( لا يشكر الناس لا يشكر الله) شكراً لمن ساندوني فجعلوا هذه الرحلة بكل هذا الإمتاع وليمثلهم هنا :
خالد خالي 
).
Khalid Musa
و العزيز بيومي حسام رأفت بيومى
( جوه السودان) والعزيز عظمة Abdelazeem Ali
وود أختي أبو حميد Ahmed Abdelazim
والعزيز بنيامين ( بين) اللي مشى معاي في هجير ورطوبة حي جورج تاون عشان يوريني أماكن جداريات لما شاف عند هوس بيها من أيام جداريات إعتصام القيادة العامة وما بعدها ( اللي وثقت ليها بعد شهور من مجزرة القيادة العامة وإستباحة البلد ). يلا جزء كبير من فيديوهات #رحلة_المدن_الفاتنة قاعد في الاكاونت بتاعي في موقع يوتيوب :
وجزء كبير من الخواطر ( خواطر البلد ديك) والصور قاعدة في حساباتي في فيسبوك (طبعاً
) وتويتر وإنستغرام و YouPic بنفس الاسم Muzamil Albagir او في مدونتي التانية في التلغرام اللي عملتها قبل كم إسبوع :
) وتويتر وإنستغرام و YouPic بنفس الاسم Muzamil Albagir او في مدونتي التانية في التلغرام اللي عملتها قبل كم إسبوع :اللي حتكون مدونة تانية لي بعد مدونتي : نقنقة Nagnaga عند عمو غوغل ( محرك البحث الأشهر Google) :
محبتي
ودمتم
مزمل
Comments