خواطر #سوداني ‏🇸🇩 ‎عالق في #ماليزيا ‏🇲🇾 ‎(16) : (أقول ليك تور.. تقول لي أحلبو)أهلي ‏

خواطر #سوداني 🇸🇩 عالق في #ماليزيا 🇲🇾 (16) : (أقول ليك تور.. تقول لي أحلبو)

أهلي السودانيين بقولو المقولة دي لما يبقى التصرف يكون ما منطقي.. فمع إرتفاع نسبة الإصابات بفايرس كورونا المستجد وصعود ونزول أعداد الوفيات ( ربنا يرحمهم ويصبر أهلهم) في ظل استمرار تراخي وصهينة الأجهزة الأمنية مع استمرار  الإستهتار الوااااضحة بتاع عدد لا يستهان به من أهلي السودانيين داخل حدود الوطن بحدود 1956 (ناقص جنوبنا الحبيب ربنا يرجعو لينا قريب إن شاء الله).. الناس بالليل بتقعد في الجمبات عن ستات الشاي تشرب الجبنة والشاي والشيريا وحااايمة.. ( ولسان حالهم يقول) : بلاش MCO دا كلام بتاع خواجات وكفار فارغ ساي .. وظز في التباعد الإجتماعي Social distancing 😏

وفي قعدتهم المقدسة ديك والواحد مولع سجارة (حمراء ما خضراء) يجو في السوشيال ميديا يكتبو بوستات وتويتات يبشعو بسياسة د. أكرم على التوم وزير الصحة ويطالبو بي إقالتو 😑 وبهناك يجو الكيزان ناس زفت وزفت يطلعو لينا لايفات عشان يضعفو موقف حكومتنا الإنتقالية ويعرضو الناس عليها ويشعجوها تمرق الشارع.😠

في ظل الظروف البالغة التعقيد دي وإنهيار النظام الصحي للأسباب العارفنها كلنا جاتني قبل ساعتين بالواتساب صورة لتجهيزات إعادة فتح مطار الخرطوم لإستئناف الملاحة الجوية😲.. يعني عشان البيزنس يدور وتدخل قروش لخزينة الدولة  تزيد عدد المصابين ( المحتملين طبعاً) مع حركة المسافرين من وإلى #السودان وترهق كاهل وزارة الصحة بتكلفة علاج انت في غنى عنها🤔 ؟!! 

المهم الصور المرفقة ( آخر تقريرين من وزارة الصحة وصورة من مطار الخرطوم) بتوري كمييية التناقض وعدم التنسيق بين الحقائب الوزارية في حكومتنا الإنتقالية..

وبعد كلامي الكتيييير دا كلللو أها خشمي عندي 🤐

محبتي ،،🌹

ودمتم😊

مزمل

https://m.facebook.com/story.php?story_fbid=10222469289585742&id=1374595916

#كورونا_السودان 

#قانون_حمايه_الكوادر_الطبيه 

#حمايه_كوادرنا_الصحيه 

#رحلة_المدن_الفاتنة